Bugun, 27-dekabr kuni “O‘zarxiv” agentligi direktori Yusupov Ulug‘bek Mirtalibovich Farg‘ona viloyat arxiv ishi hududiy boshqarmasiga tashrif buyurdi hamda tizimdagi arxiv muassasalari rahbarlari ishtirokida yig‘ilish bo‘lib o‘tdi.

Yig‘ilishda asosiy masala sifatida shu kunga qadar boshqarma boshlig`i vazifasini bajaruvchi lavozimida faoliyat olib borayotgan Mallayev Dilshodjon Abdusalomovich Agentlik direktorining tegishli buyrug‘i bilan Farg‘ona viloyat arxiv ishi hududiy boshqarmasi boshlig‘i etib tayinlanganligi o‘qib eshittirildi hamda yig‘ilish ishtirokchilariga tanishtirildi.
Shuningdek, 2022-yilda tizimda amalga oshirilishi lozim bo‘lgan ustuvor vazifalar hamda ularning ijrosi to‘g‘risida tegishli ko‘rsatmalar berildi. 
Bundan tashqari, U.Yusupov viloyat davlat arxivida hujjatlarni raqamlashtirish jarayonlari bilan ham tanishdi hamda kerakli ko‘rsatma va topshiriqlarni berib o‘tdi.