Bugun, Isroil davlatiga tashrifning ikkinchi kunida Agentlik rahbariyati boshchiligida Isroil Milliy kutubxonasida O‘zbekiston tarixi Davlat muzeyi va Yaxudiylar xalqi tarixini o‘rganish Markaziy arxivi rahbariyati hamda vakillari bilan hamkorlikda ishchi uchrashuv o‘tkazildi.

Isroil Milliy kutubxonasi rektori janob Shai Nitsana O‘zbekiston delegatsiyasini qutlab, kutubxonaga tashrif buyurilgani uchun o‘z minnatdorchilik so‘zlarini bildirdi.
Isroil Milliy kutubxonasi direktori o‘rinbosari Nome Shexter o‘z ish faoliyati to‘g‘risida qo‘shma taqdimotini namoyish etdi hamda kutubxona saqlovidagi Islom mavzusiga doir bo‘lim xakida to‘xtalib o‘tib, u yerdagi arxiv qo‘lyozmalari, alohida qimmatli noyob kolleksiyalari, yaxudiy va arab nashrlari to‘g‘risida ma’lumot berdi.