ЭЪТИБОР УЧУН КАТТА РАҲМАТ!

Ўзбекистон Республикаси "Ўзархив" агентлиги директори У.Юсуповга Мирзо Улуғбек номидаги Ўзбекистон Миллий университети ректори, профессор А.Р.Марахимов "Миннатдорчилик хати" топширилди.
Миннатдорчилик хатини ЎзМУ Тарих факультети “Манбашунослик ва архившунослик кафедраси” мудири, т.ф.н., доц. З. Раҳмонқулова факультет вакиллари билан бирга топширдилар.
Худди шундай миннатдорчилик хатлари Агентлик Ахборот хизмати раҳбари А.Алиев, Ўзбекистон Илмий техника ва тиббиёт ҳужжатлари миллий архиви директори, професоор Б.М. Аҳмедов, Ўзбекистон Миллий архиви директори Д.Закирова, Ўзбекистон Кинофотофоно ҳужжатлари миллий архиви директори З.Абдуладжанова., шунингдек, факультет собиқ талабалари Ўзбекистон Илмий техника ва тиббиёт ҳужжатлари миллий архиви бўлим мудири Т.Т.Мўминов, Андижон вилояти Архив иши ҳудудий бошқармаси бошлиғи Н.Н.Зуҳриддиновларга ҳам топширилди.
Ташриф давомида "Ўзархив" агентлигининг Ўзбекистон Миллий университети билан кейинги ҳамкорлиги масалалари, жумладан халқаро грантларда иштирок этиш, талабалар учун онлайн машғулотлар, амалий видео дарслар тайёрлаш, архивчиларни таълим жараёнига жалб этиш, махсус курсга архивчиларни жалб этиш, "Рақамли архив" фанида ҳамкорлик масалалари муҳокама қилинди.
"Ўзархив" агентлиги директор ўз ўрнида Университет вақилларига эсдалик совғаларини топширди.
Фурсатдан фойдаланиб Мирзо Улуғбек номидаги Ўзбекистон Миллий университети раҳбарияти ва жонкуяр устозларига катта миннатдорлик билдириб қоламиз!