Kinofestivalga tayyorgarlik ko‘rilmoqda

Hozirgi kunda, XIV Halqaro Toshkent kinofestifalini tashkil etish ishlari qizg‘in olib borilmoqda, shu maqsadda O‘zbekiston Kinofotofono hujjatlar milliy arxiviga O‘zbekiston Respublikasida xizmat ko‘rsatgan madaniyat xodimi, kinorejissyor, ssenarist va kinoaktyor Isamat Isakovich Ergashev tashrif buyurdi. O‘zbekiston kinosan’ati yuz yillik boy tarixga ega bo‘lib unda horijiy mamlakatlar bilan hamkorlikda suratga olingan  filmlar salmoqli o‘rin egallaydi. Isamat Ergashev o‘zbek-hind kinoijodkorligi tarixi bo‘yicha maxsus loyihani arxiv materiallari asosida tayyorlamoqda. Arxiv direktori A.Maxkamov tomonidan kinoijodkor I.Ergashev faoliyatiga oid media materiallarni davlat saqloviga topshirish masalasi yuzasidan o‘zaro kelishuvga erishildi.