“Oʻzarxiv” agentligi direktori Ulugʻbek Yusupov Qashqadaryo viloyatidagi davlat arxivlarida bo‘ldi.

“Oʻzarxiv” agentligi direktori Ulugʻbek Yusupov Qashqadaryo viloyatidagi xizmat safari doirasida Mirishkor tumani, Nishon tumani, Qarshi shahar shaxsiy tarkib hujjatlari davlat arxivlari hamda Muborak tumani, Koson tumani, Qarshi tumani, Qashqadaryo viloyati davlat arxivlarida bo‘ldi.

U. Yusupov arxiv ish jarayoni, ishlatilayotgan axborot tizimlari samaradorligi, hujjatlarni saqlanish holati, xodimlar uchun yaratilgan shart-sharoitlar, koʻrsatilayotgan xizmatlarning tezkorligi bilan tanishdi.

Ma'lumot uchun: Mirishkor tuman shaxsiy tarkib hujjatlari davlat arxivi 2005-yilda tashkil topgan. Arxivga 2018-yil tuman hokimining qarori bilan tuman markaziga ko‘chirib keltirilgan va o‘z balansiga moslashtirilgan bino ajratilgan. Mirishkor tuman shaxsiy tarkib hujjatlari davlat arxivi saqlovida 1957-yildan – 2020-yilgacha bo‘lgan 315 fondda 7366 saqlov birligidagi shaxsiy tarkib 2123 boshqaruv hujjatlari saqlanib kelmoqda. Arxivga 4 nafar mutaxassis faoliyat olib bormoqda.

Ma'lumot uchun: Muborak tuman davlat arxivi – 1995-yil 2-fevralda tashkil etilgan. Tuman hokimining 2008-yil 27-martdagi X-185/5-son qaroriga asosan Muborak tuman davlat arxivi uchun alohida moslashtirilgan bino ajratildi. Tuman davlat arxivida 1935-yildan – 2020-yilgacha bo‘lgan 334 fondda 39411 saqlov birligidagi hujjatlar saqlanib kelmoqda. 2024-yilning 9 oyligida 1788 saqlov birligidagi hujjatlardan 4655 kadr hujjatlarning elektron nusxasi yaratildi.

Ma'lumot uchun: Koson tuman davlat arxivi - Koson tuman hokimining 2007-yil 17-fevraldagi 245/02-son qaroriga asosan tashkil etilgan. Koson tuman davlat arxivi o‘z alohida binosiga ega. Bino o‘z balansida. Tuman davlat arxivida 1936-yildan 2022-yilgacha bo‘lgan 108 fondda 12584 saqlov birligidagi hujjatlar saqlanmoqda. 2024-yilning 9 oyligida 403 saqlov birligidan 32117 kadr hujjatlarning elektron nusxasi yaratildi. Arxivda 4 shtat birligida mutaxassislar faoliyat yuritib keladi.

Ma'lumot uchun: Qarshi shahar shaxsiy tarkib hujjatlari davlat arxivi - shahar ijroiya qumitasining 1986-yil 20-sentabrdagi qarori bilan tashkil etilgan. Arxiv o‘z balansidagi moslashtirilgan binoda joylashgan. Arxivda 1938-yildan 2022-yilgacha bo‘lgan davrda 646 fondda 72458 saqlov birligidagi hujjatlar saqlanmoqda.

Ma'lumot uchun: Qarshi tuman davlat arxivi – Xalq deputatlari Beshkent rayon Soveti ijroiya qo‘mitasining 1962-yil 16-iyuldagi 80-son farmoyishi bilan tashkil etilgan. Arxiv tumandagi qishloq xo‘jalik texnikumi binosida beg‘araz ijarada yashaydi. Arxivda 1926-yildan 2022-yilgacha bo‘lgan 343 fondda 49891 saqlov birligidagi hujjatlar saqlanib kelmoqda. Saqlovdagi 430 saqlov birligidagi hujjatlardan 82549 kadr hujjat elektron nusxa yaratildi.

Ma'lumot uchun: Nishon tuman shaxsiy tarkib hujjatlari davlat arxivi – 1989-yil 12-oktabrdagi tuman hokimining 10/222-son qaroriga asosan tashkil etilgan. O‘z balansiga ega bo‘lgan 2 qavatli moslashtirilgan binoga joylashgan. Arxivda 1926-yildan – 2023-yilgacha bo‘lgan 857 fondda 33266 saqlov birligidagi hujjatlar saqlanib kelmoqda.