“O‘zarxiv” agentligi direktori Ulug‘bek Yusupov Surxondaryo viloyati Sherobod tuman davlat arxiviga tashrif buyurdi.

Bu yerdagi ish jarayoni bilan tanishib, ishlatilayotgan tizim samaradorligi, xodimlar uchun yaratilayotgan shart-sharoitlar, ko‘rsatilayotgan xizmatlarning tezkorligi bilan tanishdi va arxiv xodimlariga tegishli tavsiya va topshiriqlar berdi.

Ma’lumot uchun: Arxiv Surxondaryo oblast Ijroiya Komitetining 1962 yil 28 martdagi 4-141-son qarori hamda Surxondaryo oblast davlat arxivining 1962 yil 3 iyuldagi 5-son buyrug‘iga asosan Sherobod rayonlararo davlat arxivi tashkil etilgan.

Sherobod tuman davlat arxivida 1920-2016 yillarga oid chegara sanasidagi hujjatlar saqlanmoqda. Hozirda tuman davlat arxivida 60214 saqlov birligidagi hujjatlar mavjud.


Manba : "O'zarxiv" agentligi Axborot xizmati