O'zbekiston Respublikasi Kinofotofono hujjatlari Markaziy davlat arxivida “Keksalar hayoti – ma'naviyat maktabi” mavzusidagi davra suhbati bo'lib o'tdi...

2015 yil 17 sentyabr kuni O'zbekiston Respublikasi Kinofotofono hujjatlari Markaziy davlat arxivida Respublikamiz Mustaqilligining 24 yilligi hamda “2015 yil - Keksalarni e'zozlash yili”ga bag'ishlab “Betakrorimsan, yagonasan, ona Vatanim – O'zbekistonim!” degan ezgu g'oyani o'zida mujassam etgan “Keksalar hayoti – ma'naviyat maktabi” mavzusidagi davra suhbati bo'lib o'tdi.

 Tadbir O'zbekiston Respublikasi kinofotofono hujjatlar Markaziy davlat arxivi, O'zbekiston Respublikasi “Nuroniy” jamg'armasi, Toshkent shahar “Mahalla” xayriya jamoat fondining “Qadriyat” davrasi bilan hamkorlikda tashkil etildi.

Davra suhbati jamoat fondi vakillari “Mustaqillik xalqimizning asriy orzusi”, “Keksalar hayoti-ma'naviyat chashmasi”, “Yoshlar tarbiyasida ma'naviyatning o'rni” mavzusidagi ma'ruzalari va Vatan, Mustaqillik to'g'risidagi she'rlari bilan ishtirok etdilar.

Tadbir davomida arxivchilar tomonidan arxiv fondidagi noyob kino hujjatlar namoyishi, ovozli hujjatlar eshitilishi hamda fotoko'rgazma tashkil etildi.