O'zbekiston Respublikasi Markaziy davlat arxivida Turkmaniston Vazirlar Mahkamasi huzuridagi Bosh arxiv boshqarmasi raisining rasmiy tashrifi bo'lib o'tdi...

2015 yil 7 oktyabr kuni O'zbekiston Respublikasi Markaziy davlat arxivida Turkmaniston Vazirlar Mahkamasi huzuridagi Bosh arxiv boshqarmasi raisining rasmiy tashrifi bo'lib o'tdi. Tashrif davomida O'zbekiston Respublikasi Vazirlar Mahkamasi huzuridagi “O'zarxiv” agentligi raxbariyati, bo'lim boshliqlari, O'zbekiston Respublikasi Markaziy Davlat arxivlari rahbariyati va bo'lim mudirlari ishtirokida davra suhbati tashkil etildi. Ushbu davra suhbatida ikki taraf hozirgi kunda arxiv ishi sohasida erishgan yutuqlar va dolzarb masalalar haqida o'zaro fikr almashdilar.

Davra suhbatidan so'ng Turkmaniston Bosh arxiv boshqarmasi raisi O'zbekiston Respublikasi Markaziy davlat arxivining ish faoliyati va bo'limlarida olib borilayotgan ish jarayonlari bilan yaqindan tanishdi. Jumladan, ularga O'zbekiston Respublikasi Markaziy davlat arxivining “Hujjatlarni saqlanishini ta'minlash” laboratoriyasida hujjatlarni ta'mirlash jarayoni, “Davlat xisobi va ilmiy axborot apparati” bo'limining hujjatlarni elektron nusxasini tayyorlash jarayoni hamda “Hujjatlardan foydalanish va e'lon qilish” bo'limi tasarrufidagi “O'quv zali”ning ish faoliyati bilan tanishtirib chiqildi.