O‘zbekiston Respublikasi Tashqi ishlar vazirligi hamda Polsha Respublikasining Toshkentdagi Elchixonasining taklifiga ko‘ra, joriy yil 8 iyul kuni Temuriylar tarixi davlat muzeyida Polsha Respublikasining Gdansk shahridagi Ikkinchi Jahon urushi muzeyi direktori Karol Navrotski boshchiligidagi polyak delegatsiyasi, “O‘zarxiv” agentligi va O‘zbekiston Fanlar akademiyasi Tarix instituti vakillari bilan muzokaralar o‘tkazildi.

Мазкур уч томонлама музокараларда ҳамкорликда амалга ошириладиган режалар ҳамда имзоланадиган ҳужжатлар лойиҳалари муҳокама этилди. 
Музокаралар якунида “Ўзархив” агентлиги нафақат Музей билан, шунингдек, келгусида Польша Миллий хотира институти ҳамда Польша Республикаси давлат архивлари Бош дирекцияси билан ҳам ҳамкорлик муносабатларини ўрнатиш таклифини билдирди. Мазкур таклиф Польша делегацияси вакиллари томонидан тўлиқ қўллаб-қувватланди.