Tarixiy hujjatli fotokoʻrgazma

2019-yil 28-avgust kuni Oʻzbekiston amaliy sanʼat va hunarmandchilik tarixi  davlat muzeyida muzeyning yaratilish tarixi va faoliyatiga oid tarixiy hujjatli fotokoʻrgazmaning ochilish marosimi boʻlib oʻtdi.  
Koʻrgazma  Oʻzbekiston Respublikasi Kinofotofono hujjatlari Markaziy davlat arxivi hamda  Oʻzbekiston amaliy sanʼat va hunarmandchilik tarixi  davlat muzeyi bilan hamkorlikda  amalga  oshirildi.
Fotokoʻrgazmada Oʻzbekiston Respublikasi Kinofotofono hujjatlari Markaziy davlat arxivida saqlanayotgan fotohujjatlar namoyish etildi. Jonli ijro etilgan  kuy va qoʻshiqlar tadbirga yanada koʻtarinki ruh bagʻishladi.
Anjumanga Oʻzbekiston amaliy sanʼat va hunarmandchilik tarixi  davlat muzeyi faxriylari taklif etildilar. Ular muzeydagi faoliyatlari va ish tajribalari toʻgʻrisida soʻzlab berdilar.
Eslatib oʻtamiz: Fotokoʻrgazma 2019-yil 28-avgustdan 8-sentyabrga qadar davom etadi.