“Ular Germaniyada oʻqigan edilar”

Oʻzbekiston Respublikasi Vazirlar Mahkamasi huzuridagi Qatagʻon qurbonlari xotirasi muzeyida XX asrning birinchi yarmida qatagʻonga uchragan vatandoshlarimiz xotirasi va 18-may “Muzeylar kuni”ga bagʻishlab Turkistonlik talabalarning Germaniyaga tahsil olish uchun yuborilganligi 100-yillik sanasi munosabati bilan “Ular Germaniyada oʻqigan edilar” nomli koʻrgazmasi tashkil etildi. Koʻrgazmada mavzuga oid ilmiy uchrashuvlar, maʼruzalar, kitoblar taqdimoti va Oʻzbekiston Kinofotofono hujjatlar milliy arxivining foto hujjatlari namoyish qilindi.