Axsikentda Zahiriddin Muhammad Bobur tavalludining 536 yilligi munosabati bilan «Shoh va sarkarda» mavzusida «Ma'naviyat soati» tashkil etildi.

Namangan viloyat arxiv ishi hududiy boshqarmasi tomonidan buyuk shoir, tarixchi, geograf, davlat arbobi, iste’dodli sarkarda Zahiriddin Muhammad Bobur tavalludining 536 yilligi munosabati bilan «Shoh va sarkarda» mavzusida «Ma’naviyat soati» tashkil etildi. Unda Zahiriddin Muhammad  ibn  Umarshayh Mirzoning hayot  yo’li va ijodi, o’zbek tilida yozilgan «Boburnoma» asari hamda shoirning she’rlaridano o’qib eshittirildi. To’raqo’rg’on tuman davlat arxivi xodimlari tomonidan To’raqo’rg’on tumanidagi  2300 yillik tarixga ega ochiq  osmon ostidagi muzey-«Axsikent»  yodgorlik  majmuasida  ekskursiya  tashkil qilindi. Boburning bolalik davrlari o’tgan  ushbu maskanda bugungi kungacha saqlanib qolgan tarixiy yodgorliklar va ularni saqlab qolish ishlari bilan tanishdilar. Bobur tavalludiga bag’ishlangan tadbirlar respublikamizning barcha arxivlarida o’tkazildi.